Dil Shayari: aadam kā jism jab ki anāsir se mil banā

aadam kā jism jab ki anāsir se mil banā

kuchh aag bach rahī thī so āshiq kā dil banā

-SAUDA MOHAMMAD RAFI
 *******************************
 aap pahlū meñ jo baiTheñ to sambhal kar baiTheñ

dil-e-betāb ko aadat hai machal jaane kī

-JALEEL MANIKPURI
********************************
achchhā hai dil ke saath rahe pāsbān-e-aql

lekin kabhī kabhī ise tanhā bhī chhoḌ de

-ALLAMA IQBAL
**********************************

but-ḳhāna toḌ Dāliye masjid ko Dhā.iye

dil ko na toḌiye ye ḳhudā kā maqām hai

-HAIDAR ALI AATISH