Muskurahat Shayari

Bujh Ga.ī Sham.a Kī Lau Tere Dupatte Se to Kyā 

Apnī Muskān Se Mahfil Ko Munavvar Kar De 

-sada Ambalvi

**********************************

Dekhne Vaalo Tabassum Ko Karam Mat Samjho 

Unheñ to Dekhne Vāloñ Pe Hañsī Aatī Hai 

-sudarshan Faakhir

*********************************

Dhuup Niklī Hai Bārishoñ Ke Ba.ad 

Vo Abhī Ro Ke Muskurā.e Haiñ 

-anjum Ludhianvi

******************************

Dil Meñ Tūfān Ho Gayā Barpā 

Tum Ne Jab Muskurā Ke Dekh Liyā 

-unknown

******************************

Dil-jaloñ Se Dil-lagī Achchhī Nahīñ 

Rone Vāloñ Se Hañsī Achchhī Nahīñ 

-riyaz Khairabadi

  *******************************

 Ek Bosa Hoñt Par Phailā Tabassum Ban Gayā 

Jo Harārat Thī Mirī Us Ke Badan Meñ Aa Ga.ī 

-kavish Badri